TAMALLY MAAk

منتديات تملى معاك


    أحداث حفلة جولف بورتو مارينا 2009

    شاطر
    avatar
    sona beh

    ذكر
    عدد الرسائل : 315
    العمر : 33
    المزاج : وياه الحياة هتحلى وأنا معاه
    الجنسيه : مصرى
    نقاط : 4247
    السٌّمعَة : 0
    تاريخ التسجيل : 25/08/2007

    أحداث حفلة جولف بورتو مارينا 2009

    مُساهمة من طرف sona beh في الأحد أغسطس 09, 2009 8:03 pm

    إزيكم يا ديابية النهاردة جايبلك تفاصيل حفلة أول أمس للهضبة عـمـرو ديـاب اللي كان ليا الشرف إني أحضرها أنا وأحمد هنري واللي كان نفسنا إنها ماتخلص :
    * عـمـرو ديـاب طل علينا على المسرح الرائع المزود بثلاث شاشات عرض عملاقة في تمام الساعة الواحدة بعد منصف الليل بأغنية "الله على حبك إنت"بعد عرض ملخص لبرنامج "الحلم" يليه كليب "وياه" حتى الساعة الرابعة فجراً غناء متواصل و أول ما طلع المسرح فضل ينط على أرضية المسرح في جميع الأماكن بالعرض عشان يشوف آخر الجمهور وهم كمان يشوفوه لإنه فعلاً مع إن المسرح عالي جداً لكن ميقدرش يشوف آخر المساحة المخصصة للجمهور اللي كانوا حوالي 150 ألف.
    * عـمـرو إتأخر عن ميعاده حوالي ساعة مما أدى إلى شعور بعض الجماهير بالغضب وقلة من المأجورين قاموا بترديد "مش عايزينه" وقاموا بإلقاء بعض زجاجات المياه على المسرح لكن إحنا وباقي الجماهير مسكتناش طبعاً وقمنا بالرد عليهم ورددنا "بنحبك يا عـمـرو براحتك يا عـمـرو".
    * عـمـرو أول ما طلع المسرح كان باين عليه إنه مستاء من الترديد اللي سمعه من القلة دول وقالنا "إنتوا متعرفوش أنا بيجرالي إيه بره قبل ماجيلكم كويس إن أنا جيتلكم " وكان باين عليه فعلاً إن في حاجة جامدة مزعلاه وده فضل مأثر عليه وعلى أدائه حوالي ثلاث أغاني وبعدين رجعلنا تاني الأسـطـورة اللي إحنا عارفينه في حفلاته.
    * أغاني الحفلة : عـمـرو غنى أغاني الألبوم الجديد "وياه" كلها ودي أول مرة تحصل في حفلة ليه وعادلنا "عيني وأنا شايفه" حوالي خمس مرات و "وياه" حوالي أربع مرات و"يهمك في إيه" مرتين ، وكان باين إن الألبوم ده بالذات عـمـرو معتز بيه جداً لإنه فعلاً من أقوى وأنجح ألبوماته بشتى المعايير.
    وبالنسبة للأغاني القديمة عـمـرو غنى : "زى الملايكة" و "تملي معاك" و "خليك فاكرني" و "الليلادي" و "نقول إيه" و "رصيف نمره 5" و "حبيبي ولا على باله" و "قمرين" على ما أتذكر مفيش أغاني تاني ولو يا هنري فاكر أغنية أنا نسيتها ياريت تضيفها
    وبالنسبة للميدلي عـمـرو غنى : 2 ميدلي وتاني ميدلي كان فيه ياليل جميلة جداً وجديدة من عـمـرو أول مرة نسمعها
    وبالنسبة للحصريات : أغنية "قال فاكرينك" كاملة بثلاث كوبليهات مع عزف الكمان وإعلان عـمـرو ديـاب لإزاعة برنامجه الجديد لإكتشاف المواهب بداية من أكتوبر القادم يوم عيد ميلاده و "ياليل" اللي قسمها عـمـرو بطريقة جديدة وأول مرة نسمعها منه في الميدلي الثاني و عـمـرو كشف عن الكلمات اللي على كتفيه وقال إنهم أسماء أبنائه وإنها مش ملزوقه زى ما قال البعض وكشف كم تيشيرته الأصفر الأيمن ( على فكرة عـمـرو أول ما طلع المسرح كان لابس قميص شبيه بالتيشيرت وبنطلون أسباني رمادي وفي منتصف الحفلة تقريباً غيره بتيشيرت أصفر ) وخلى الكاميرا تقرب عشان الكل يشوف "نور كنزي جانا" وكشف الكم الشمال مكتوب عليه "عبد الله" و عـمـرو كان قبل أى أغنية هاوس كان بيكون فيها كله حيوية ونشاط غريبة إحنا نفسنا تعبنا وهو ماشاء الله غنى أربع أغاني هاوس : "وياه" "عيني وأنا شايفه" و "حلوة الأيام" و " "نقول إيه" وعاد الأولى والثانية حوالي أربع خمس مرات ومع ذلك لم يتأثر بالتعب وهو بيتنطط ويرقص مع الأغاني وقالنا أنا في سني ده بدرب 3 ساعات في اليوم بالنص
    الله عليك يا هـضـبـة وربنا يخليك ويحميك لينا يارب
    * ختام الحفل : ختم عـمـرو الحفلة بأغنية "وياه" و"عيني وأنا شايفه"
    وأنا عايز أقولكم حاجة حستها والكل حسها إنه غنى "يهمك في إيه" بطريقة وبصوت خيالي متهيألي أحسن من اللي في الألبوم نفسه لدرجة إنه لما خلصها قولناله كلنا تاني تاني وصممنا من الجمال اللي أداه فيها قالنا يا جماعة حاضر بس شوية كده لإن الأغنية دي صعبة عليا شوية مش غنا لأ بتتعب إحساسي شوية بالنص وفعلاً غناها تاني بعد حوالي خمسة أو ستة أغاني وكانت أروع من اللي قبليها وفعلاً حسيت في عـمـرو وهو بيغنيها وبالذات المرة الثانية إنه متأثر جداً وحسيت إنه بيدمع والفرقة نفسها إتأثرت معاه
    ومن الشخصيات المعروفة اللي طلعت على المسرح وهناهم عـمـرو وهنيناهم معاه "عمرو مصطفى" وغنى معاه شوية من "وياه" وطبعاً عـمـرو وصل تحياته وإحنا معاه لناس كتير ومعظمهم كان موجود في الحفلة بس مقدروش يطلعوا المسرح من ملحنين و مألفين و موزع الألبوم الجديد كله "حسين الشافعي" آه ده برده طلع على المسرح وحيناه تحية جامدة جداً

    وفي النهاية متهيألي مفيش كلام وولا أحسن شاعر يقدر يوصف موهبة وعظمة هذا الـنـجـم الأسـطـورة "عـمـرو ديـاب"

    ســـــــــــــــــــــــــلام


    عدل سابقا من قبل sona beh في الثلاثاء أغسطس 11, 2009 7:51 am عدل 2 مرات
    avatar
    SHeSHo

    انثى
    عدد الرسائل : 148
    العمر : 23
    المزاج : بحبك هقولها وياريت قبل أما أكملها تعالي في حضني ونقولها احنا الاتنين
    افضل البوم للهضبه : وياه
    الجنسيه : لو لم أكن مصريه لوددت أن أكون مصريه
    نقاط : 3481
    السٌّمعَة : 0
    تاريخ التسجيل : 20/07/2009

    رد: أحداث حفلة جولف بورتو مارينا 2009

    مُساهمة من طرف SHeSHo في الإثنين أغسطس 10, 2009 7:46 am

    بص انت أجمد واحد في الدنيا دي بجد مش عارفه أقولك ايه غير جزاك الله كل خير وألف ألف شكر ليك
    وصراحه انت تستاهل كل الكلام الحلو اللي في الدنيا ديا
    وطبعا منساش عمرو دياب اللي كان السبب في اني أشترك في المنتدى ده وأتعرف بيك يا محسن بيه و أشارك برأيي معاك انت والأعضاء التانيين
    بجد بجد ربنا يخليك لينا يا محسن باشا إنت وعمرو دياب


    عدل سابقا من قبل SHeSHo في الإثنين أغسطس 10, 2009 7:47 am عدل 1 مرات (السبب : خطأ املائي)
    avatar
    sona beh

    ذكر
    عدد الرسائل : 315
    العمر : 33
    المزاج : وياه الحياة هتحلى وأنا معاه
    الجنسيه : مصرى
    نقاط : 4247
    السٌّمعَة : 0
    تاريخ التسجيل : 25/08/2007

    رد: أحداث حفلة جولف بورتو مارينا 2009

    مُساهمة من طرف sona beh في الإثنين أغسطس 10, 2009 9:50 am

    إيه الكلام الجميل ده بس يا شـيـشـو ربنا يخليكـي، أخجلـتـي تواضعنا والله يا قـمـر
    و قسماً بالله إذا كان الواحد منا ( الـديـابـيـة ) بيتعب شوية عشان يساهم بأى شئ لـلـهـضـبـة فـده ميجيش عشر العشر من اللي عــمــرو بيعملوا من تعب وتركيز في شغلـه والحافـز ليـه إنـه بـيـحـب شغلـه ومقدر الموهبة اللي مَـنْ الله سبحانه علـيـه بيها من صوت ليس له مـثـيـل من إحساس مُـرهـف جـمـيـل من عـَقـل سـَيـد الـتـدابـيـر ده أولاً ، وثانياً إنـه بـيـحـب جمهوره وبيحترمه بجد زى ما إحنا بنحبـه وبنحترمـه لإنـه عارف إنه لو مـَقـَدَرناش طول الوقـت إحنا كمان مش هَـنقـَدره طول الوقـت وهيقع زى ما الكل بيقع من حواليـه وهـو عارف كده لإن عـَقـلـه سيد الـتـدابـيـر زى ماقـلـت.
    وأسرار وأسباب نجاح الـهـضـبـة عــمــرو ديــاب دي عايزة مجلدات عشان الناس تتعلم منها اللي عايزني أقوله حاجات تانية يأمر بس ههههههههههههههه

    ســــــــــــــــــــــــــــلام

    avatar
    SHeSHo

    انثى
    عدد الرسائل : 148
    العمر : 23
    المزاج : بحبك هقولها وياريت قبل أما أكملها تعالي في حضني ونقولها احنا الاتنين
    افضل البوم للهضبه : وياه
    الجنسيه : لو لم أكن مصريه لوددت أن أكون مصريه
    نقاط : 3481
    السٌّمعَة : 0
    تاريخ التسجيل : 20/07/2009

    رد: أحداث حفلة جولف بورتو مارينا 2009

    مُساهمة من طرف SHeSHo في الإثنين أغسطس 10, 2009 3:03 pm

    انت كلامك صح مليون في الميه احنا كلنا مقدرين تعب الهضبه عشان يطلع لجمهوره كل اللي بيحبوه على فكره يا محسن إن عمرو مرشح للميوزيك أوورد ولازم كلنا ندخل على موقع الجائزه ونصوتلو عشان هم قالوا في روتانا موسيقى كده قالوا عمرو مرشح بس لو جمهوره عايزينو يفوز يصوتوا له على موقع جائزة الميوزيك أوورد بس أنا مش عارفه أوصل للموقع لو عرفت ودخلت عليه ابقى قولي عشان بجد لازم لازم نصوتلو


    عدل سابقا من قبل SHeSHo في الإثنين أغسطس 10, 2009 3:04 pm عدل 1 مرات (السبب : خطأ)
    avatar
    sona beh

    ذكر
    عدد الرسائل : 315
    العمر : 33
    المزاج : وياه الحياة هتحلى وأنا معاه
    الجنسيه : مصرى
    نقاط : 4247
    السٌّمعَة : 0
    تاريخ التسجيل : 25/08/2007

    رد: أحداث حفلة جولف بورتو مارينا 2009

    مُساهمة من طرف sona beh في الإثنين أغسطس 10, 2009 7:04 pm

    والله يا شـيـشـو أنا فعلاً دورت كتير ملأيتش أى موقع لتصويت الميوزيك أوورد بس لاقيت تصويت لميوزيك أوورد الوطن العربي (الجائزة الجديدة المبتكرة دي) وكل لينكات مواقع التصويت مش شغالة أساساً هحاول تاني وأرد عليكي يا قـمـر

    ســـــــــــــــــــــلام

    avatar
    sona beh

    ذكر
    عدد الرسائل : 315
    العمر : 33
    المزاج : وياه الحياة هتحلى وأنا معاه
    الجنسيه : مصرى
    نقاط : 4247
    السٌّمعَة : 0
    تاريخ التسجيل : 25/08/2007

    رد: أحداث حفلة جولف بورتو مارينا 2009

    مُساهمة من طرف sona beh في الخميس أغسطس 13, 2009 12:11 am

    إزيك يا شـيـشـو
    بصـي أنا عرفت إن الجايزة اللي نوهت عنها روتـانـا دي ( أفريكـان ميوزيك أوورد ) ودي في إنجلترا للسنة الثانية والـهـضـبـة مرشح عن شمال أفريقـيا ودي أول مرة مطرب عربي يترشحلها من أفريقـيا كلها والتصويت يا سـتـي هيبتدي من الموافق 29 الشهر الجاري وحتى 10 شهر أكتوبر
    تمام كده ولا إيه يعني لسه هنستنا 29 الشهر ده وربنا يكتبهالـه يارب الجائزة دي

    ســــــــــــــــــــــلام
    avatar
    SHeSHo

    انثى
    عدد الرسائل : 148
    العمر : 23
    المزاج : بحبك هقولها وياريت قبل أما أكملها تعالي في حضني ونقولها احنا الاتنين
    افضل البوم للهضبه : وياه
    الجنسيه : لو لم أكن مصريه لوددت أن أكون مصريه
    نقاط : 3481
    السٌّمعَة : 0
    تاريخ التسجيل : 20/07/2009

    رد: أحداث حفلة جولف بورتو مارينا 2009

    مُساهمة من طرف SHeSHo في الخميس أغسطس 13, 2009 7:39 pm

    يا رب يا محسن من بأك لباب السما يارب
    بجد أنا هدعيلو وأنا بصلي

      الوقت/التاريخ الآن هو الثلاثاء نوفمبر 21, 2017 1:27 am